ലീ​ഗിൻ്റെ സ്ഥാനാർത്ഥി പട്ടിക ഒരാഴ്ചയ്ക്കകമെന്ന് പി കെ കുഞ്ഞാലിക്കുട്ടി

മുസ്‌ലിം ലീഗിൻ്റെ സ്ഥാനാർത്ഥി പട്ടിക ഒരാഴ്ചയ്ക്കകമെന്ന് പാർട്ടി ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടി. യുഡിഎഫ് നേതാക്കളുമായി കൂടിക്കാഴ്ച നടത്തിയ ശേഷം ഇക്കാര്യത്തിൽ അന്തിമ തീരുമാനമെടുക്കുമെന്നും അദ്ദേഹം പറഞ്ഞു. പാണക്കാട് ചേർന്ന ലീഗ് നേതൃയോഗത്തിന് ശേഷമാണ് പികെ കുഞ്ഞാലിക്കുട്ടി കാര്യങ്ങൾ വിശദീകരിച്ചത്. സംസ്ഥാന അധ്യക്ഷൻ പാണക്കാട് സയ്യിദ് ഹൈദരലി ശിഹാബ് തങ്ങളുടെ അധ്യക്ഷതയിലായിരുന്നു യോഗം.

‘യുഡിഎഫുമായി നടത്തിയ ചർച്ച ഇന്നാണ് പൂർണമായി വിലയിരുത്തിയത്. യൂത്ത് ലീഗ് നേതാക്കളും യോഗത്തിനുണ്ടായിരുന്നു. കാസർക്കോടു മുതൽ തിരുവനന്തപുരം വരെയുള്ള ജില്ലാ, മണ്ഡലം നേതാക്കളുടെ യോഗം ശനിയാഴ്ച നടക്കും. അതിനു ശേഷമാകും പ്രഖ്യാപനം’- കുഞ്ഞാലിക്കുട്ടി പറഞ്ഞു.