പൊന്നാനിയിൽ സ്പീക്കറിനെ മത്സരിപ്പിക്കണമെന്ന് ആവശ്യപ്പെട്ട് പോസ്റ്ററുകൾ

പൊന്നാനിയിൽ സ്പീക്കർ പി ശ്രീരാമകൃഷ്ണനെ മത്സരിപ്പിക്കണമെന്ന് ആവശ്യപ്പെട്ട് പോസ്റ്ററുകൾ. ‘ഉറപ്പാണ് കേരളം ഉറപ്പായും വേണം ശ്രീരാമകൃഷ്ണൻ’ എന്നാണ് പോസ്റ്ററിലുള്ളത്. ഇന്ന് രാവിലെയാണ് പോസ്റ്ററുകൾ പ്രത്യക്ഷപ്പെട്ടത്.

പൊന്നാനിയിലെ സ്ഥാനാർഥി നിർണയവുമായി ബന്ധപ്പെട്ട് സിപിഎമ്മിലെ അതൃപ്തി പരസ്യമായി പുറത്തുവരികയാണ്. രണ്ട് തവണ മത്സരിച്ചവരെ മാറ്റിനിർത്താനാണ് സിപിഎം തീരുമാനിച്ചിരിക്കുന്നത്. ഈ സാഹചര്യത്തിലാണ് ശ്രീരാമകൃഷ്ണന് സീറ്റ് നഷ്ടമായത്.

ടി എം സിദ്ദിഖ്, പി നന്ദകുമാർ എന്നീ പേരുകളാണ് സിപിഎം സംസ്ഥാന കമ്മറ്റി പ്രാഥമിക പട്ടികയിൽ ഉൾപ്പെടുത്തിയത്. ജില്ലാ കമ്മിറ്റിയുടെ അഭിപ്രായം കൂടി പരിഗണിച്ച് അന്തിമ പട്ടിക മാർച്ച് 8ന് പുറത്തുവിടാനാണ് തീരുമാനം.