ഓൺലൈൻ ചൂതാട്ടത്തിനെതിരെ ഹൈക്കോടതിയിൽ സ്വകാര്യ ഹർജി

ഓൺലൈൻ ചൂതാട്ടം തടയണമെന്നാവശ്യപ്പെട്ട് ഹൈക്കോടതിയിൽ സ്വകാര്യ ഹർജി. ഓൺലൈൻ ചൂതാട്ട ആപ്ലിക്കേഷനുകളുടെ പ്രവർത്തനം നിയമവിരുദ്ധമാണെന്ന് ചൂണ്ടിക്കാണിച്ചാണ് ഹർജി നൽകിയിരിക്കുന്നത്. ഹർജിയിൽ പത്ത് ദിവസത്തിനകം നിലപാട് അറിയിക്കാൻ ഹൈക്കോടതി സർക്കാരിന് നിർദേശം നൽകി. ഇത്തരം മൊബൈൽ ആപ്പുകളുടെ ബ്രാൻഡ് അംബാസിഡർമാരായ വിരാട് കൊഹ്‌ലി, അജു വർഗീസ്, തമന്ന തുടങ്ങിയവർക്ക് നോട്ടീസ് അയക്കാനും ഹൈക്കോടതി നിർദേശിച്ചു.