മലപ്പുറം: സ്പീക്കര്‍ ശ്രീരാമകൃഷ്ണനെതിരെ താന്‍ ഉന്നയിച്ച ആരോപണങ്ങള്‍ കൃത്യമായ രേഖകളുടെ അടിസ്ഥാനത്തിലെന്ന് പ്രതിപക്ഷ നേതാവ് രമേശ് ചെന്നിത്തല. ഇത് സംബന്ധിച്ച് മുഴുവന്‍ തെളിവുകളും തൻ്റെ പക്കലുണ്ടെന്ന് അദ്ദേഹം പറഞ്ഞു. മലപ്പുറം പ്രസ് ക്ലബിൻ്റെ മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം.
രാവിലെ താന്‍ ഉന്നയിച്ച ആരോപണത്തില്‍ സ്പീക്കറുടെ മറുപടി വിട വാങ്ങല്‍ പ്രസംഗം പോലെയാണ് തോന്നിയത്. ഞാന്‍ ഉന്നയിച്ച ആരോപണത്തിന് മറുപടിയല്ല സ്പീക്കര്‍ നല്‍കിയത്. നിയമസഭയുടെ മഹത്വമാണ് സ്പീക്കര്‍ വിശദീകരിച്ചത്. എല്ലാവര്‍ക്കും അറിയുന്ന കാര്യമാണ്. സ്പീക്കറുടെ മറുപടി മുഴുവന്‍ കേട്ടതിന് ശേഷം ഇത് സംബന്ധിച്ച് നാളെ കണ്ണൂരില്‍ കൂടുതല്‍ കാര്യങ്ങള്‍ വിശദീകരിക്കും.
നിയമസഭയിലെ നിര്‍മാണ പ്രവര്‍ത്തനങ്ങളുമായി ബന്ധപ്പെട്ട് കമ്മിറ്റി നിലവിലുണ്ടായിരുന്നു. ഇതുമായി ബന്ധപ്പെട്ട പ്രവൃത്തികളെല്ലാം ടെന്‍ഡര്‍ നല്‍കാതെ ഊരാളുങ്കല്‍ ലേബര്‍ സൊസൈറ്റിക്ക് നല്‍കിയത് ശരിയായില്ലെന്നും പ്രതിപക്ഷ നേതാവ് വിവരിച്ചു.
അവിശ്വസനീയ ഓഫറുകളുമായി ഗോദ്രെജ് ഇൻ്റീരിയോ
© 2019 IBC Live. Developed By Web Designer London
