വിജയരാഘവൻ വാ തുറക്കുന്നത് വർഗ്ഗീയത പറയാൻ മാത്രമെന്ന് രമേശ് ചെന്നിത്തല

തിരു​വ​ന​ന്ത​പു​രം: സി​പി​എം സം​സ്ഥാ​ന സെ​ക്ര​ട്ട​റി എ ​വി​ജ​യ​രാ​ഘ​വ​നെതിരെ പ്രതിപക്ഷ നേതാവ് രമേശഅ ചെന്നിത്തല രംഗത്ത്. സംസ്ഥാനത്ത് വ​ർ​ഗീ​യ​ത ആ​ളി​ക്ക​ത്തി​ക്കാ​നാ​ണ് ശ്ര​മി​ക്കു​ന്ന​തെ​ന്നും രണ്ടു വോട്ടിന് വേണ്ടി ഏത് വർഗീയ പ്രചരണവും നടത്താൻ സി.പി.എമ്മിന് മടിയില്ലെന്ന് തെളിയിക്കുന്ന വാക്കുകളാണ് എ.വിജയരാഘവനിൽ നിന്ന് പുറത്തുവരുന്നതെന്നും രമേശ് ചെന്നിത്തല പറഞ്ഞു.

വി​ജ​യ​രാ​ഘ​വ​ൻ വാ​തു​റ​ന്നാ​ൽ വ​ർ​ഗീ​യ​ത മാ​ത്ര​മാ​ണ് പ​റ​യു​ന്ന​ത്. ഞങ്ങളെ പഠിപ്പിക്കാൻ വിജയരാഘവൻ വളർന്നിട്ടില്ല. മുന്നണിയിലെ ഘടകകക്ഷികളുമായി ചർച്ച നടത്തിയാൽ അതിൽ വർഗീയത കണ്ടെത്താൻ ഇടുങ്ങിയ മനസ്സിന്റെ ഉടമകൾക്ക് മാത്രമേ കഴിയുകയുള്ളൂ. ഇ​ത് ജ​ന​ങ്ങ​ൾ​ക്കി​ട​യി​ൽ വി​ല​പ്പോ​കി​ല്ലെ​ന്നും ചെ​ന്നി​ത്ത​ല പ​റ​ഞ്ഞു.

ഉമ്മൻചാണ്ടിയും പ്രതിപക്ഷനേതാവ് രമേശ് ചെന്നിത്തലയും പാണക്കാട്ടുപോയി മുസ്ലിംലീഗ് അധ്യക്ഷൻ ഹൈദരലി ശിഹാബ് തങ്ങളെ സന്ദർശിച്ചതിനെക്കുറിച്ചുള്ള വിജയരാഘവൻറെ പ്രസ്താവനയോട് പ്രതികരിക്കകുയായിരുന്നു ചെന്നിത്തല.

കേ​ര​ള​ത്തി​ൽ ആ​ദ്യ​മാ​യാ​ണ് ഒ​രു സ​ർ​ക്കാ​ർ വീ​ടു വ​ച്ചു ന​ൽ​കു​ന്ന​തെ​ന്ന പ്രതീതി വ​രു​ത്താ​നാ​ണ് മു​ഖ്യ​മ​ന്ത്രി​യു​ടെ ശ്ര​മം. യു​.ഡി​.എ​ഫ് ഭ​ര​ണ​കാ​ല​ത്ത് നാ​ലേ​കാ​ൽ ല​ക്ഷം വീ​ടു​ക​ൾ ന​ൽ​കി​യി​രു​ന്നു. ഏ​തു സ​ർ​ക്കാ​ർ വീ​ടു വെച്ചു​കൊ​ടു​ത്താ​ലും ന​ല്ല​കാ​ര്യ​മാ​ണ്. എ​ന്നാ​ൽ വ​ലി​യ വീമ്പ് പ​റ​യേ​ണ്ട​തി​ല്ലെ​ന്നും ചെ​ന്നി​ത്ത​ല പ​റ​ഞ്ഞു.