കോഴിക്കോട്: ജോളി തന്നെയാണ് സിലിയേയും മകള്‍ ആല്‍ഫൈനേയും കൊലപ്പെടുത്തിയതെന്ന് ഷാജുവിന്റെ പിതാവ് സക്കറിയാസ്.ജോളി ആഡംഭര ജീവിതം നയിക്കാന്‍ ആഗ്രഹിക്കുന്ന വ്യക്തിയായിരുന്നു.ഒരു മകളെ പോലെയാണ് താന്‍ ജോളിയെ കണ്ടിരുന്നതെന്നും സക്കറിയാസ് പറഞ്ഞു.
റോയിയുടെ കാര്യത്തില്‍ ജോളി കുറ്റം സമ്മതിച്ചിട്ടുണ്ട്.സിലിയുടേയും ആല്‍ഫൈന്റേയും മരണത്തിന് പിന്നില്‍ ജോളിയാണെന്ന് തന്നെ വിശ്വസിക്കുന്നു. ജോളിയുടെ ഭാഗത്ത് നിന്ന് ഇങ്ങനെ ഉണ്ടാകുമെന്ന് ഒരിക്കലും പ്രതീക്ഷിച്ചിരുന്നില്ല.
സ്വന്തം മകളെ പോലെയാണ് അവരെ കണ്ടത്. യാതൊരു വിധത്തിലുള്ള അവഗണനയും കാണിച്ചിട്ടില്ല. ഇത്രയും അടുത്ത് നിന്നിട്ടും ജോളി ഇത് ചെയ്യുമെന്ന് വിശ്വസിക്കാന്‍ സാധിക്കുന്നില്ലെന്നും സക്കറിയാസ് പറഞ്ഞു.
മകന് ഫോണ്‍ വാങ്ങാനെന്ന് പറഞ്ഞ് ജോളി തന്നോട് അന്‍പതിനായിരം രൂപ ചോദിച്ചിരുന്നു.പക്ഷേ ഇരുപതിനായിരം രൂപ നല്‍കി.അറസ്റ്റിന് രണ്ടാഴ്ച മുന്‍പാണ് ജോളി പണം കടം വാങ്ങിയതെന്നും സക്കറിയാസ് കൂട്ടിച്ചേര്‍ത്തു.
© 2019 IBC Live. Developed By Web Designer London
