സിസ്റ്റ‍‍‍ർ അഭയ കേസ്; വിധി ഈ മാസം 22 ന്

തിരുവനന്തപുരം: സിസ്റ്റർ അഭയയെ കൊലപ്പെടുത്തിയ കേസിൽ വിധി ഈ മാസം 22 ന് പുറപ്പെടുവിക്കും. കൊലപാതകം നടന്ന് 28 വർഷത്തിന് ശേഷമാണ് കേസിൽ വിധി പറയുന്നത്. സിബിഐ പ്രത്യേക കേടതിയിൽ വിചാരണ പൂർത്തിയായി. തിരുവനന്തപുരം സിബിഐ കോടതിയിലാണ് അഭയ കേസിൻ്റെ വിചാരണ നടന്നത്.

ഫാദർ തോമസ് കോട്ടൂർ, സിസ്റ്റർ സെഫി എന്നിവരാണ് പ്രധാന പ്രതികൾ. അഭയ കേസിലെ പ്രതികളുടെ വാദം കഴിഞ്ഞ ദിവസം പൂർത്തിയായിരുന്നു. കേസിലെ ഒന്നാം പ്രതി ഫാദർ കോട്ടൂരിൻ്റെ വാദമാണ് ഇന്നലെ പൂർത്തിയായത്.