തമിഴ് ഹാസ്യതാരം സെന്തിൽ ബി ജെ പിയിൽ

തമിഴ് ഹാസ്യതാരം സെന്തിൽ ബി ജെ പിയിൽ ചേർന്നു. തമിഴ്‌നാട് ബി ജെ പി ആസ്ഥാനത്ത് സംസ്ഥാന പ്രസിഡൻറ് എൽ മുരുഗൻ ദേശീയ ജനറൽ സെക്രട്ടറി സി.ടി രവി തുടങ്ങിയവരുടെ സാന്നിധ്യത്തിലാണ് സെന്തിൽ ബി ജെ പിയിൽ അംഗത്വമെടുത്തത്. മുൻപ് എ ഐ എ ഡി എം കെ യുമായും പിന്നീട് ടി ടി വി ദിനകരന്റെ എ എം എം കെയുമായും സെന്തിൽ സഹകരിച്ചിരുന്നു.

ജയലളിതയുടെ കാലത്ത് എ ഐ എ ഡി എം കെയുടെ തെരഞ്ഞെടുപ്പ് റാലികളിലെ സാന്നിധ്യമായിരുന്നു സെന്തിൽ. ജയലളിതയുടെ മരണത്തിന് ശേഷം താൻ രാഷ്ട്രീയത്തിൽ അനാഥനായിപ്പോയെന്നും പിന്നീട് എ ഐ എ ഡി എം കെ യുമായി സഹകരിക്കാൻ തോന്നിയില്ലെന്നും സെന്തിൽ മാധ്യമങ്ങളോട് പറഞ്ഞു.