കോവിഡ് 19 മൂലം വിദേശത്ത് മരണപ്പെടുന്ന പ്രവാസികളുടെ കുടുബത്തിന് നഷ്ടപരിഹാരം നല്‍കുക, തിരിച്ച് വരാന്‍ ആഗ്രഹിക്കുന്ന മുഴുവന്‍ പ്രവാസികള്‍ക്കും നാട്ടിലെത്താന്‍ സൗകര്യമൊരുക്കുക, വന്തേ മിഷന്‍ ടിക്കറ്റ് ചാര്‍ജ് വര്‍ദ്ധന പിന്‍വലിക്കുക എന്നീ ആവശ്യങ്ങള്‍ ഉന്നയിച്ച് നാഷണല്‍ പ്രവാസി ലീഗ് മലപ്പുറം ജില്ലാ കമ്മറ്റി ദൂരദര്‍ശന്‍ കേന്ദ്രത്തിന് മുന്നില്‍ ധര്‍ണ നടത്തി. ഐ എന്‍ എല്‍. ജില്ലാ ജനറല്‍ സെക്രട്ടറി അഡ്വ: ഒ കെ. തങ്ങള്‍ ഉല്‍ഘാടനം ചെയ്തു. പതിറ്റാണ്ടുകളായി രാജ്യത്തിന്റെ സാമ്പതിക വളര്‍ച്ചയില്‍ നട്ടെല്ലായി നില്‍ക്കുന്ന പ്രവാസികളോട് കേന്ദ്ര സര്‍ക്കാര്‍ അനീതിയാണ് കാണിക്കുന്നതെന്ന് അഡ്വ: ഒ കെ. തങ്ങള്‍ ഉല്‍ഘാടന പ്രസംഗത്തില്‍ കുറ്റപ്പെടുത്തി.
നാഷണല്‍ പ്രവാസി ലീഗ് സംസ്ഥാന ഓര്‍ഗനൈസിംഗ് സെക്രട്ടറി പി കെ എസ്. മുജീബ് ഹസ്സന്‍, സംസ്ഥാന സെക്രട്ടറി മജീദ് തെന്നല, സംസ്ഥാന വൈസ് പ്രസിഡന്റ് പി. യാഹുട്ടി തുടങ്ങിയവര്‍ പ്രസംഗിച്ചു. നാഷണല്‍ പ്രവാസി ലീഗ് ജില്ലാ ഭാരവാഹികളായ ഇ കെ. സമദ് ഹാജി, സി എച്ച്. അലവിക്കുട്ടി, ജാഫര്‍ മേടപ്പില്‍, അബൂബക്കര്‍ സിദ്ധീഖ്, അസീസ് കളപ്പാടന്‍, കലാം നിരോല്‍ പാലം തുടങ്ങിയവര്‍ ധര്‍ണ്ണക്ക് നേതൃത്ത്വം നല്‍കി.
© 2019 IBC Live. Developed By Web Designer London
