ടൂൾകിറ്റ് കേസ്; ദിഷ രവിക്ക് ജാമ്യം

ടൂൾകിറ്റ് കേസിൽ സാമൂഹ്യ പ്രവർത്തക ദിഷ രവിക്ക് ജാമ്യം. ഒരു ലക്ഷം രൂപ വീതം രണ്ട് പേരുടെ ആൾ ജാമ്യത്തിലാണ് ദിഷക്ക് ജാമ്യം ലഭിച്ചത്. കഴിഞ്ഞ 13നാണ് ദിഷ അറസ്റ്റിലായത്. റിപബ്ലിക് ദിനത്തിലെ അക്രമത്തിലേക്ക് നയിച്ചതിൽ ടൂൾകിറ്റ് പങ്കുവഹിച്ചിട്ടുണ്ട് എന്നതിൽ തെളിവുകളുണ്ടോ എന്നാണ് കോടതി ഡൽഹി പൊലീസിനോട് ചോദിച്ചത്. മറുപടി ഹാജരാക്കാൻ ഡൽഹി പൊലീസിന് കഴിഞ്ഞിരുന്നില്ല.

നിരോധിത സംഘടനയായ ഖലിസ്ഥാൻ അനുകൂല കൂട്ടായ്മകളുമായി ദിഷക്ക് ബന്ധമുണ്ടെന്നായിരുന്നു പൊലീസ് ആരോപണം. ഇവരോടൊപ്പം ചേർന്ന് കേന്ദ്ര സർക്കാരിനെതിരെ ഗൂഢാലോചന നടത്തിയെന്നുമാണ് പൊലീസ് ആരോപിക്കുന്നത്.