വിചാരണ കോടതി മാറ്റില്ല; നടിയുടെ ഹർജി തള്ളി

കൊച്ചി: നടിയെ അക്രമിച്ച കേസിൽ പ്രത്യേക കോടതിയെ മാറ്റാനാവില്ലെന്ന് ഹൈക്കോടതി. വിചാരണ കോടതി മാറ്റണമെന്നാവശ്യപ്പെട്ട് സർക്കാരും നടിയും നൽകിയ ഹർജികൾ ഹൈക്കോടതി തള്ളി. അപ്പീൽ നൽകാനായി വിചാരണ നടപടികൾ സ്‌റ്റേ ചെയ്യണമെന്ന സർക്കാർ ആവശ്യവും കോടതി തള്ളി.

സിംഗിൾ ബെഞ്ച് ജഡ്ജി വി.ജി.അരുണിൻ്റേതാണ് ഉത്തരവ്‌. തിങ്കളാഴ്ച മുതൽ വിചാരണ പുനഃരാരംഭിക്കാം. നേരത്തെ വാദം കേൾക്കുന്നതിന്റെ ഭാഗമായി ഹൈക്കോടതി വിചാരണയ്ക്ക് സ്‌റ്റേ ഏർപ്പെടുത്തിയിരുന്നു. വിചാരണ കോടതി മാറ്റുന്നത് തെറ്റായ കീഴ്വഴക്കം സൃഷ്ടിക്കുമെന്ന് ഹൈക്കോടതി സിംഗിൾ ബെഞ്ച് നിരീക്ഷിച്ചു. കോടതിയും പ്രോസിക്യൂഷനും ഒരുമിച്ച് പോകണമെന്ന് ഹൈക്കോടതി നിർദേശിച്ചു.