മുംബൈ: ജോലിയില്‍ നിന്ന് പിരിച്ചുവിട്ട മേലുദ്യോഗസ്ഥനെ യുവാവ് കുത്തിക്കൊലപ്പെടുത്തി.ഇയാള്‍ പിന്നീട് പോലീസ് പിടിയിലായി.കൊലപാതകക്കുറ്റത്തിന് ഞായറാഴ്ച പന്ത് നഗര്‍ പോലീസിന്റെ പിടിയിലായത് ഗണേഷ് പവാര്‍ എന്നയാളാണ്. ട്യൂട്ടോറിയല്‍ സ്ഥാപനം നടത്തുകയായിരുന്ന മായങ്ക് മണ്ഡോടാണ് കൊല്ലപ്പെട്ടത്. പിരിച്ചുവിട്ട ഇയാള്‍ക്ക് ഒരുമാസത്തെ ശമ്പളം നല്‍കിയില്ല എന്നും ആരോപണമുണ്ട്.
ഞായറാഴ്ച വൈകുന്നേരം 6.30- ഓടെ മണ്ഡോട്ടിന്റെ സ്ഥാപനത്തിലെത്തിയ ഗണേഷ് പവാര്‍ ഇയാളുമായി വാക്കേറ്റത്തില്‍ ഏര്‍പ്പെട്ടു. തര്‍ക്കത്തിനിടെ പ്രതി ഗണേഷ് പവാര്‍ മണ്ഡോട്ടിന്റെ കഴുത്തില്‍ കുത്തിക്കൊലപ്പെടുത്തുകയായിരുന്നെന്ന് പൊലീസ് അറിയിച്ചു.
ഗണേഷ് ട്യൂട്ടോറിയല്‍ സ്ഥാപനത്തില്‍ ജോലിയില്‍ പ്രവേശിച്ചത് ഫെബ്രുവരി 20-നാണ്.എന്നാല്‍ സെപ്തംബര്‍ 18- ന് ഇയാളെ പിരിച്ചുവിടുകയായിരുന്നു.പിരിച്ചുവിട്ടത് ഒരുമാസത്തെ ശമ്പളം നല്‍കാതെയാണെന്ന് ഇയാള്‍ ആരോപിക്കുന്നു.
കൊലയ്ക്ക് പിന്നിലെ കാരണം മേലുദ്യോഗസ്ഥന്റെ നടപടിയിലുണ്ടായ ദേഷ്യമാണെന്ന് പോലീസ് പറഞ്ഞു.
© 2019 IBC Live. Developed By Web Designer London
