മുഖ്യമന്ത്രിക്കെതിരെ തെരഞ്ഞടുപ്പ് ചട്ടലംഘനത്തിന് പരാതി നൽകുമെന്ന് യുഡിഎഫ്

തിരുവനന്തപുരം: മുഖ്യമന്ത്രിക്കെതിരെ തെരഞ്ഞടുപ്പ് ചട്ടലംഘനത്തിന് പരാതി നൽകുമെന്ന് യുഡിഎഫ്. കേരളത്തിൽ കോവിഡ് വാക്സിൻ സൗജന്യമായി വിതരണം ചെയ്യുമെന്ന മുഖ്യമന്ത്രിയുടെ പ്രഖ്യാപനം തെരഞ്ഞെടുപ്പ് പെരുമാറ്റ ചട്ടങ്ങളുടെ ലംഘനമാണെന്നാണ് യുഡിഎഫിന്റെ പരാതി.

കഴിഞ്ഞ ദിവസം നടത്തിയ വാർത്താസമ്മേളനത്തിലാണ് സംസ്ഥാനത്ത് വിതരണം ചെയ്യുന്ന കോവിഡ് വാക്‌സിൻ സൗജന്യമായിരിക്കുമെന്ന് മുഖ്യമന്ത്രി പറഞ്ഞത്. ‘എത്ര കണ്ട് വാക്‌സിൻ ലഭ്യമാകുമെന്നത് ചിന്തിക്കേണ്ടതാണ്, കേരളത്തിൽ നൽകുന്ന വാക്‌സിൻ സൗജന്യമായിട്ടായിരിക്കും. ആരിൽ നിന്നും കാശ് ഈടാക്കാൻ സർക്കാർ ഉദ്ദേശിക്കുന്നില്ലെന്നുമായിരുന്നു മുഖ്യമന്ത്രിയുടെ പ്രസ്താവന.