മാണി സി കാപ്പൻ എൽഡിഎഫ് വിട്ടത് തിരിച്ചടിയാകില്ല: വി എസ് സുനിൽ കുമാർ

മാണി സി കാപ്പൻ എൽഡിഎഫ് വിട്ടത് തിരിച്ചടിയാകില്ലെന്ന് മന്ത്രി വി എസ് സുനിൽ കുമാർ. പാലയിൽ വ്യക്തി അല്ല പാർട്ടിയാണ് ജയിച്ചത്. ഇടത് തരംഗമാണ് കാപ്പൻ ജയിക്കാൻ കാരണം. മാണി സി കാപ്പന്റേത് വ്യക്തിപരമായ തീരുമാനമാണെന്നും അദ്ദേഹം പറഞ്ഞു. ഒരു പ്രമുഖ മാധ്യമത്തിന് നൽകിയ അഭിമുഖത്തിലാണ് സുനിൽകുാമർ ഇക്കാര്യം പറഞ്ഞത്.

മൂന്ന് തവണ മത്സരിച്ചവർ വീണ്ടും മത്സരിക്കേണ്ടെന്ന തീരുമാനം പാർട്ടി നയമാണ്. അത് അഗീകരിക്കുന്നു. തൃശൂരിൽ എൽഡിഎഫ് തന്നെ വിജയിക്കുമെന്നും മന്ത്രി വി എസ് സുനിൽ കുമാർ വ്യക്തമാക്കി.

ഇന്ന് രാവിലെയാണ് മാണി സി കാപ്പൻ എൽഡിഎഫ് വിട്ടതായി പ്രഖ്യാപിച്ചത്. ഘടകകക്ഷിയായി യുഡിഎഫിൽ പ്രവർത്തിക്കുമെന്ന് മാണി സി കാപ്പൻ പറഞ്ഞു. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്രയിൽ പങ്കെടുക്കും.