ന്യൂഡൽഹി: ആമസോൺ ഇന്ത്യയുടെ ഏറ്റവും വലിയ വാർഷിക വിൽപ്പന മേളയായ ‘പ്രൈം ഡേ 2026’ ജൂലൈ 4 അർധരാത്രി (12:00 AM) മുതൽ ജൂലൈ 6 രാത്രി 11:59 വരെ, മൊത്തം 72 മണിക്കൂർ നീണ്ടുനിൽക്കും. ഇന്ത്യയിലെ പത്താമത് പ്രൈം ഡേ ആയ ഇത്തവണ, സ്‌മാർട്ട്‌ഫോൺ മുതൽ ഗൃഹോപകരണങ്ങൾ വരെ എല്ലാ വിഭാഗങ്ങളിലും വൻ കിഴിവുകൾ കമ്പനി പ്രഖ്യാപിച്ചിട്ടുണ്ട്. പ്രൈം അംഗങ്ങൾക്ക് മാത്രമാണ് ഈ ഓഫറുകൾ ലഭ്യമാവുക.

ഏതൊക്കെ വിഭാഗത്തിന് എത്ര കിഴിവ്?

കമ്പനി പുറത്തുവിട്ട വിവരങ്ങൾ പ്രകാരം, സ്‌മാർട്ട്‌ഫോണുകൾക്കും ആക്‌സസറികൾക്കും 40% വരെയും, ഇലക്ട്രോണിക്‌സ്, വെയറബിൾസ് വിഭാഗത്തിന് 80% വരെയും കിഴിവ് ലഭിക്കും. സ്‌മാർട്ട് ടിവികൾക്കും ഗൃഹോപകരണങ്ങൾക്കും 65% വരെയും, ലാപ്‌ടോപ്പ്, ടാബ്‌ലെറ്റുകൾക്ക് 40% വരെയും, ക്യാമറകൾക്ക് 75% വരെയും വിലക്കുറവുണ്ട്. ഫാഷൻ ഉൽപ്പന്നങ്ങൾക്ക് കുറഞ്ഞത് 50-65% വരെയും, ബ്യൂട്ടി ഉൽപ്പന്നങ്ങൾക്ക് 30-60% വരെയും കിഴിവ് പ്രഖ്യാപിച്ചിട്ടുണ്ട്.

500-ലധികം പുതിയ ഉൽപ്പന്നങ്ങൾ

ഇന്ത്യൻ, ആഗോള ബ്രാൻഡുകളിൽ നിന്നായി 500-ലധികം പുതിയ ഉൽപ്പന്നങ്ങൾ ഈ വിൽപ്പന മേളയിൽ അവതരിപ്പിക്കും. സാംസങ് ഗാലക്‌സി M47, വൺപ്ലസ് N6 എന്നീ സ്‌മാർട്ട്‌ഫോണുകൾ ഇതിൽ ഉൾപ്പെടുന്നു. ഉൽപ്പന്നങ്ങൾ കണ്ടെത്താൻ സഹായിക്കുന്ന ‘റൂഫസ്’, ‘ലെൻസ് എഐ’ തുടങ്ങിയ എഐ ഷോപ്പിംഗ് സഹായികളും ഇത്തവണ ഉപഭോക്താക്കൾക്ക് ലഭ്യമാക്കിയിട്ടുണ്ട്.

അംഗത്വവും ബാങ്ക് ഓഫറുകളും

പുതിയ അംഗങ്ങൾക്ക് വാർഷിക പ്രൈം അംഗത്വം 500 രൂപ കിഴിവോടെ 999 രൂപയ്ക്ക് ലഭിക്കും. കൂടാതെ, 299 രൂപയുടെ ഷോപ്പിംഗ് എഡിഷൻ, 599 രൂപയുടെ പ്രൈം ലൈറ്റ് എന്നീ പ്ലാനുകളും ലഭ്യമാണ്. എസ്ബിഐ, ആക്‌സിസ് ബാങ്ക് ക്രെഡിറ്റ് കാർഡുകൾക്ക് 10% വരെ അധിക ഇളവും, ആമസോൺ പേ ഐസിഐസിഐ കാർഡിന് 5% ക്യാഷ്ബാക്കും ലഭിക്കും. 18 മാസം വരെ നോ കോസ്റ്റ് ഇഎംഐ സൗകര്യവും കമ്പനി വാഗ്ദാനം ചെയ്യുന്നു. യോഗ്യമായ ഉൽപ്പന്നങ്ങൾക്ക് പ്രൈം അംഗങ്ങൾക്ക് ഒറ്റ ദിവസത്തെ സൗജന്യ ഡെലിവറിയും ലഭിക്കും.